I mechat amoi im Lem a Nüpferd sei
Mir scheint so Nüpferd sei, mochat mi frei
Mei Bauch tarad hängan bis owe am Bodn
De vü zkurzn Haxn kunntn s Gwicht kaum datrogn
I hätt umadum Foitn
Mei Nosn waa braad
Ned da Hauch ana Taille
I waa afoch schee blaad
I mechat amoi im Lem a Nüpferd sei
Mir scheint so Nüpferd sei, mochat mi frei
De Haut vulla Borstn, appetitlich und grau
Mein Odeur, sogma s ehrlich, unta jeda Sau
I hätt Zent wia aus Ziagln
Mei Frisur warad hin
Ned da Hauch ana Mähne
I waa so wiari bin
I hätt an eiganan Chauffeur
Weu i waa z blaad fia de Bim
I hätt an knackigen Pfleger
Der mi nimmt wiari bin
I hätt an eiganan Koch
Weil ich hochsensibel bin
I hätt a Bett fia mi allaa
Nem mir kunnt kana mehr liegn
I hätt an Psychotherapeuten
Weil ich ein schwerer Fall bin
I hätt fia ois an Experten
Weu i a Unikat bin
I hätt a Radiosendung
Weil ich hab einfach Format
I hätt an Personal Coach
Fia ollas aundre waari zblaad
© Verena Göltl