WARADI

warad i dei zahnoazt

tat i di plombiern

warad i da winter

liassat i di friern

warad i a fuaßpüz

wohnat i bei dir

warad i dei börsel

waast du oiweu stier

 

warad i die zukunft

kamst du ned drin vor

warad i a koch

kamatst du ins rohr

warad i des meer

waradsd du in not

warad i a virus

waast du scho tot

 

warad i dei nochba

tat i di sekkiern

warad i da schmerz

taradsd du mi gschbian

warad i dei frau

tat i di betriagn

warad i dei freind

tat i di beliagn

 

warad i dei wogn

liassat i di gehn

warad i die bim

liassat i di stehn

warad i dei kühschrank

wari oiweu laa

warad i dei herz

warad i aus staa

 

© Verena Göltl