Trink i zun Fruahstuck glei a Seidl
Oder nur an Yogi-Tee
Iss i nur des, wos vo de Baam foit
Ob und an a Cordon Bleu
Geh i zun Mcie auf an Burger
Stott zum Wirtn glei ums Eck
Denk i an Legebatterien
Oder schert mi des an Dreck
Dann is des anzig und allanich - mei Kaffee
Foah i min Camper noch Caorle
Oder nur noch Knittlföd
Logier i gern in ana Villa
Oder tuat s fia mi a Zöt
Fliag i im Summa noch Mallorca
Und bin zua fia 14 Tog
Oder foahr i in a Kloster
Und bin staad solang i mog
Dann is des anzig und allanich - mei Kaffee
Und wann du maanst
Du waaßt, wos fia mi guad is
Sog i da ans
Wos ganz und goa ned guad is
Des is, wann s olle nua guad maana
Wissen tuat s nur ana
Wohn i mit drei, vier Taiwanesen
Oder allaa im dritten Stock
Hob i a Haus in Margarethen
Oder goa kan Mietvatrog
Bin i am liebsten in mein Goatn
Oder reicht ma a Balkon
Is da Gemeindebau mei Mekka
Oder kann en goa ned hom
Dann is des anzig und allanich – mei Kaffee
© Verena Göltl